Festari

Jastrid, Gullak & Símun Gullaksen

Símun Gullaksen er føddur 4. apríl 1970 og tað hevur nokk altíð ligið í kortunum, at hann sum tann elsti sonurin í bóndaættini,  skuldi føra garðin víðari. Hann tók við festinum tann 20. juli 2011. Garðurin, sum er 7½ mørk, er upprunaliga frá 1667.

Símun er giftur við Jastrid, sum er grafiskur sniðgevi. Jastrid er stjóri í reklamuvirkinum Grafia í Klaksvík. Grafia húsast í  søguligum kørmum í Klaksvík, nevniliga "Gamla Seglhúsið", sum eisini verður nýtt til ymisk tiltøk. Jastrid og Símun eiga Gamla Seglhúsið og reka virksemið, sum umfatar listaframsýningar, útleigan av hølum umframt fyriskipan/samskipan av ymiskum tiltøkum. 

​Símun og Jastrid eiga eitt barn. Tað er sonurin Gullak Fróði, sum er skipsførari.